भारतीय वायुसेनाको अपरेशन सिन्दूर जारी, युद्धविरामको घोषणापछि पनि तनाव कायम

काठमाडौं: भारतीय वायुसेनाले आफ्नो अपरेशन सिन्दूर अझै जारी रहेको जनाएको छ। सामाजिक सञ्जाल एक्समार्फत वायुसेनाले भनेको छ, “भारतीय वायुसेनाले अपरेशन सिन्दूरमा आफ्ना तोकिएको कार्यहरू सटीकता र व्यावसायिकताका साथ सफलतापूर्वक सम्पन्न गरेको छ।

यी अपरेशनहरू राष्ट्रिय उद्देश्यहरू अनुरूप सोचविचार र विवेकपूर्ण रूपमा सञ्चालित थिए। अपरेसनहरू अझै जारी छन्, त्यसैले थप जानकारी पछि प्रदान गरिनेछ। भारतीय वायुसेनाले सबैलाई अनुमान र अप्रमाणित जानकारीको प्रसारबाट बच्न अनुरोध गर्दछ, वायुसेनाले थप उल्लेख गरेको छ। पहलगाममा भएको आतंकवादी आक्रमणपछि भारतले मे ६-७ को मध्यरातमा पाकिस्तान र पाकिस्तान-नियन्त्रित कश्मीरमा हवाई आक्रमण गरेको थियो।

यो आक्रमणले भारत र पाकिस्तानबीच तनाव चुलिएको थियो। त्यसपछि दुवै देशले एकअर्काका सैन्य अड्डाहरूमाथि आक्रमण गरेका थिए। शनिबार साँझ भारत र पाकिस्तानले दुई देशबीच युद्धविरामको घोषणा गरेका छन्। यद्यपि, अपरेशनहरू जारी रहेकाले तनाव पूर्ण रूपमा कम नभएको संकेत देखिएको छ।